Eftir að hafa lesið færslu á Trendnet ákvað ég að prufa Vintage Leather lakkið frá Maybelline. Lökkin koma í nokkrum litum og eiga að gefa nöglunum leðurkennda áferð.
Mig hefði mest langað að fá mér svartan lit en þar sem hann var ekki til og allir 4 litirnir sem voru til sölu voru lítt spennandi þá valdi ég mér þennan rauða.
Ég verð nú að viðurkenna að ég sé ekki þessa leðuráferð sem lofað var! Lakkið lítur nákvæmlega eins út og venjulegt naglalakk sem lakkað er yfir með möttu yfirlakki, svo ef þú átt ekki matt yfirlakk þá er þetta óneitanlega góður kostur fyrir þig. Kosturinn er þó að naglalakkið er enga stund að þorna og sem mjög óþolinmóð manneskja kann ég vel að meta það!
No comments:
Post a Comment